Landeyjahöfn
- TegundHafnir
- StaðaFramkvæmd lokið
- Verktími2018–2021
- Markmið
- Jákvæð byggðaþróunÖruggar samgöngurGreiðar samgöngur
- Heimsmarkmið
- 8. Góð atvinna og hagvöxtur9. Nýsköpun og uppbygging
- Flokkar
- Hafnir í grunnnetiEndurbæturVerktaki - Suðurverk
- Svæði
- Suðurland
Milli 2018-2021 stóð Vegagerðin fyrir endurbótum á Landeyjahöfn. Framkvæmt var þökk sé viðbótarfjárveitinga sem ætlað var að standa undir kostnaði við rannsóknir, öryggismál og framkvæmdir sem áttu að auðvelda að halda nægu dýpi í höfninni. Einnig var gert ráð fyrir viðhaldsdýpkun árlega auk landgræðslu. Í lokin var svo gert ráð fyrir því að malbika bílastæði og endurbyggja flóðvarnargarða.
Helstu fyrirhugaðar framkvæmdir voru að steypa akbraut út á ytri garðhausa og að byggja tunnur á endum til þess að þrengja hafnarmynnið og stækka athafnarými ferjunnar í innri höfn. Gert var svo ráð fyrir því að fjárveitingar myndu lækka á seinni hluta tímabilsins vegna minni dælingar með komu grunnristari ferju 2019. Einnig var gert ráð fyrir áframhaldandi rannsóknum á endurbótum Landeyjahafnar, sem felast í að draga úr sandburði og ölduhæð.
Miðað var við að viðhaldsdýpkun yrði mest með dýpkunarskipum en yfir háveturinn yrði hafnarmynnið dýpkað frá landi með botndælubúnað á krana. Í febrúar 2021 var breytingum í innri höfn lokið, og ákveðið var að hætta við að setja tunnur á garðsenda þar sem krani með botndælubúnað átti að standa, en sú lausn þrengdi of mikið innsiglingu Herjólfs inn í höfnina. Við skoðun seinna meir á þeim aðstæðum sem uppi þurfa að vera til þess að dýpkun með þvílíkri tækni væri möguleg voru landýpkunaráætlanir lagðar á hilluna, en til þess að geta dýpkað með þessari tækni þyrfti ölduhæð að vera undir 2 m og vindhraði undir 11 m/s í að minnsta kosti tvo daga samfleytt. Slíkar aðstæður koma sjaldan upp að vetrarlagi í Landeyjahöfn.
Ákveðið var í staðinn að fjárfesta enn fremur í afkastameiri dýpkunaraðgerðum og bættu eftirliti á verkframvindu til þess að bregðast við aukinni dýpkunarþörf. Árið 2023 voru fjarlægðir um 340.000 rúmmetrar af sandi í og við Landeyjahöfn, sem var 100.000 rúmmetrum meira en árið 2022. Þrátt fyrir aukningu voru þessi afköst ekki nóg til þess að halda Landeyjahöfn opinni meirihluta árs.
Árið 2026 var samið við belgíska verktakann Jan De Nul sem sérhæfir sig í dýpkunaraðgerðum og hefur áður komið við sögu í Landeyjahöfn, þar sem fyrirtækið sá um dýpkun hafnarinnar árin 2015 til 2018. Fyrirtækið er meðal stærstu í heimi á sínu sviði, og býr yfir öflugum dýpkunarskipum sem gætu betur þjónað þörfum Landeyjarhafnar. Samningur við fyrirtækið gildir 2026-2029.
