Jökulsá á Sólheimasandi
- TegundBrýr
- StaðaFramkvæmd lokið
- Verktími2020–2022
- Markmið
- Greiðar samgöngurÖruggar samgöngur
- Heimsmarkmið
- 8. Góð atvinna og hagvöxtur9. Nýsköpun og uppbygging
- Flokkar
- StofnvegirÖryggisaðgerðirEndurbæturVerktaki - ÞG verk
- Svæði
- Suðurland
Smíðuð var 163 metra tvíbreið eftirspennt bitabrú yfir Jökulsá á Sólheimasandi. Hún kom í staðin fyrir einbreiða brú sem komin var til ára sinna. Innifalið í verkinu var jafnframt um alls 1 km vegagerð, beggja vegna brúar.
Samningum var náð við ÞG Verk um smíði brúarinnar í desember 2020 og var ný brú formlega vígð þann 21. október 2022 í athöfn sem sótt var af innviðaráðherra og sveitarstjórum Mýrdalshrepps og Rangárþings eystra. Eldri brúin var síðasta einbreiða brú á Hringvegi milli Reykjavíkur og Kirkjubæjarklausturs.
Efnisyfirlit
Jökulsá á Sólheimasandi
Eldri brú á svæðinu var einbreið, hafði setið í stanslausri notkun síðan 1967 og var þess vegna talið nauðsynlegt að byggja nýja tvíbreiða brú yfir einhverja mannskæðustu jökulá Íslandssögunnar. Falist var á að rífa eldri brúnna að mestu leiti, en að endurnýja sökkla og rofvörn millistöpla sem voru metnir vera enn í ágætu standi. Nýjar endaundirstöður voru steyptar og var sigplötum komið fyrir við enda yfirbyggingar. Akstursbreidd nýjar brúar er 8m.
Tilboð ÞG-verks hljóðaði uppá 735 milljónir króna eða 82% af kostnaðaráætlun Vegagerðarinnar. Jafnframt var eftirlit boðið út og í framhaldinu samið við verkfræðistofuna Mannvit um að taka að sér þann þátt.
Á meðan á framkvæmdum stóð reisti Vegagerðin bráðabirgðabrú á staðnum og var hún rifin við endalok framkvæmda. Ný brú er hluti af samgönguátaki sem felur í sér að útrýma einbreiðum brúm á Hringveginum. Árið 2018 voru einbreiðar brýr 37 talsins á Hringvegi, en við opnun nýrrar brúar við Jökulsá á Sólheimasandi voru þær einungis 31 eftir. Unnið er að þessu átaki jafnt og þétt sbr. samgönguáætlun.
Tengd útboð
Framkvæmdakort
Tengd gögn
Myndir frá framkv. á Jökulsá á Sólheimasandi
Myndir frá framkv. á Jökulsá á Sólheimasandi
