Endur­bætur á Þing­valla­vegi

Talið var mikilvægt að ráðast sem fyrst í endurbætur á Þingvallavegi þar sem ástand vegarins var orðið töluvert slæmt sem og tegund og breidd vegar var ekki í samræmi við umferðarþunga sem eldri vegur þjónaði. Dæmi voru um að þegar rútur mættust á vegi átti vegöxl til í að gefa sig undan þunga rútunnar með tilheyrandi afleiðingum að rútan fór af vegi og átti í hættu á að fara á hlið. Ákveðið var að skildi breikka veginn úr 6,5 m yfir í 8 m til þess að rútur hefðu færi á því að mætast án þess að þyrfti að fara út í vegöxl.

Á undirbúningsstigi framkvæmdar voru þrír kostir skoðaðir. Kostur A varð fyrir valinu en einnig til athugunar voru kostir B og C. Í kosti B var skoðað að breikka veginn í 9,0 m til þess að sinna þeirri umferð sem um hann fer og er í samræmi við hönnunarreglur Vegagerðarinnar. Kostur C skoðaði það að halda vegi í 6,5 m breidd, en uppfyllti sá kostur ekki markmið stofnunarinnar um aukið umferðaröryggi eða þær kröfur sem gerðar eru til vega með umferð sem gildir 1.500 bílum á sólarhring eða meira.

Framkvæmdin átti sér stað innan svæðis sem er bundið ýmsum verndarákvæðum. Vegurinn liggur í Þjóðgarðinum á Þingvöllum, sem er á Heimsminjaskrá UNESCO. Þingvellir og Þingvallavatn eru á Náttúruminjaskrá (nr. 743). Framkvæmdasvæðið var innan vatnasviðs Þingvallavatns sem er verndað með lögum nr. 85/2005. Framkvæmdin var jafnframt innan svæðis sem nýtur hverfisverndar í Aðalskipulagi Bláskógabyggðar, Þingvallasveit 2008 – 2016. Þingvallavegur liggur á eldhrauni og fer í gegnum birkiskóg sem njóta sérstakrar verndar skv. 61. gr. laga nr. 60/2013 um náttúruvernd. Sérstök aðgætni var sýnd í framfærslu þessarar framkvæmdar sökum einstakrar nátturu og lögverndar.