Axarvegur um Öxi
- TegundVegir
- StaðaFramkvæmd ekki hafin
- Verktími2027–2030
- Markmið
- Greiðar samgöngurÖruggar samgöngurUmhverfislega sjálfbærar samgöngur
- Heimsmarkmið
- 8. Góð atvinna og hagvöxtur9. Nýsköpun og uppbygging
- Flokkar
- SamgöngukerfiðVegir
- Svæði
- Austurland
Vegur um Öxi er þriðji áfanginn í verki sem fór í umhverfismat fyrir nokkrum árum. Tveir áfangar eru þegar komnir í framkvæmd, þ.e. þverun Berufjarðar og uppbygging Hringvegar í Skriðdal (sjá kort að neðan). Áætlað var að framkvæmdir við þennan síðasta hluta hæfust vorið 2024, en vegna fyrirhugaðra breytinga á samgönguáætlun Alþingis er gert ráð fyrir að verkið frestist um nokkur ár.
Efnisyfirlit
Axarvegur um Öxi
Markmið framkvæmdar er að auka umferðaröryggi vegfarenda, draga úr slysahættu og tryggja greiðari samgöngur milli Skriðdals og Berufjarðar með nýjum heilsársvegi, þar sem umferð um Öxi hefur aukist mikið á síðustu áratugum. Núverandi Axarvegur er mjór, hlykkjóttur, hæðóttur og brattur malarvegur sem liggur á köflum í miklum hliðarhalla. Vegurinn liggur hátt yfir sjávarmáli og mjög bratt er niður að Berufirði. Á stuttum kafla (100 m) er 20% halli á veginum. Mesti langhalli á nýjum veg verður 7.4%. Framkvæmdin er í samræmi við markmið samgönguáætlunar um að auka umferðaröryggi og tryggja greiðari samgöngur.
Kort af framkvæmdasvæðinu
