Yfirverkstjóri á Hvammstanga
- StarfssvæðiNorðurland vestra
- Tegund starfsStjórnunarstörf
- Starfshlutfall100%
- Umsóknarfrestur8. desember 2025
Vegagerðin rekur 18 þjónustustöðvar víðs vegar um landið og sjá þær um almenna þjónustu og viðhald vega og vegbúnaðar á sínu starfssvæði. Hlutverk þjónustustöðva er að sjá til þess að ástand vega, vegsvæða og samgöngumannvirkja sé þannig að umferð gangi sem greiðast og öruggast fyrir sig, allan ársins hring.
Við leitum að einstaklingi í starf yfirverkstjóra á þjónustustöðinni á Hvammstanga. Þjónustusvæði þjónustustöðvarinnar nær frá Blönduós í austri að sunnanverði Holtavörðuheiði að vestanverðu, auk hálendisvega inn að Hveravöllum og að Arnarvatnsheiði.
Helstu verkefni
- Ber ábyrgð á rekstri og verkefnum þjónustustöðvarinnar og hefur yfirsýn yfir stöðu verkefna, framgang þeirra og kostnað
- Stjórnun starfsfólks þjónustustöðvar
- Eftirlit með færð á vegum, upplýsingagjöf og aðgerðastjórn í samvinnu við vaktstöð Vegagerðarinnar
- Samskipti og eftirlit með verktökum
- Leiðir öryggismál þjónustustöðvarinnar
- Umsjón með lagerhaldi og áhaldahúsi
- Sér um minni verðkannanir, áætlanagerð og uppgjör
Hæfniskröfur
- Marktæk reynsla af stjórnun skilyrði
- Meistarapróf í iðngrein eða önnur menntun sem nýtist í starfi æskileg
- Góð þekking á landsvæði þjónustusvæðis æskileg
- Stjórnendanám Stjórnendafræðslunnar eða sambærilegt æskilegt
- Mjög góð tölvufærni
- Framúrskarandi hæfni í mannlegum samskiptum
- Útsjónarsemi og skipulagshæfni
- Góð íslensku- og enskukunnátta
- Góð öryggisvitund
Frekar upplýsingar um starfið
Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið.
Áhugasamir einstaklingar af öllum kynjum eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir. Afrit af ökuréttindum þarf að fylgja umsókn. Öllum umsóknum verður svarað þegar ákvörðun um ráðningu hefur verið tekin.