Deildarstjóri umsjónardeildar á Austursvæði
- StarfssvæðiAusturland
- Tegund starfsSkrifstofustörf
- Starfshlutfall100%
- Umsóknarfrestur27. október 2025
Vilt þú taka þátt í verkefnum sem skipta máli fyrir samfélagið? Vegagerðin hefur það hlutverk að byggja upp, viðhalda og reka samgöngukerfi landsins. Við leitum nú að deildarstjóra umsjónardeildar á Austursvæði til að leiða fjölbreytt og krefjandi verkefni við stýringu nýframkvæmda og viðhalds á svæðinu. Svæðismiðstöð er á Reyðarfirði en mögulegt verður að sinna starfi að hluta frá þjónustustöð í Fellabæ.
Umsjónardeildir svæða hafa umsjón og eftirlit með þeim framkvæmdum sem svæðum eru falin. Í samráði við mannvirkjasvið annast umsjónardeild viðhald bundinna slitlaga, styrkingar og endurbætur ásamt efnisvinnslu á svæðinu.
Helstu verkefni
Deildarstjóri leiðir starfsemi umsjónardeildar og sýnir gott fordæmi í öryggismálum. Deildarstjóri hefur yfirsýn yfir stöðu verkefna, framgang þeirra og kostnað.
- Yfirumsjón með nýframkvæmdum og öðrum framkvæmdum sem svæðinu eru falin þannig að farið sé eftir útboðslýsingum, stöðlum og verklýsingum
- Umsjón með umferðaröryggisaðgerðum
- Gerð viðhaldsáætlana og umsjón með slitlagabanka
- Yfirumsjón með viðhaldi brúa og varnargarða, áætlanagerð og framkvæmd
- Umsjón með efnisvinnslu ásamt efniskaupum á svæðinu
- Mælingar tengdar framkvæmdum, s.s. útsetningar, framkvæmda- og úttektarmælingar og kostnaðareftirlit
- Undirbúningur og áætlanagerð fyrir þau verkefni sem deildinni eru falin
Hæfniskröfur
- Verk- eða tæknifræðingur eða önnur menntun sem nýtist í starfi
- Reynsla af ámóta störfum er kostur
- Þekking á landsvæði er kostur
- Reynsla af verkefnastjórnun er kostur
- Góð hæfni í mannlegum samskiptum
- Hæfni til að leiða teymi
- Frumkvæði og faglegur metnaður
- Skipulögð og öguð vinnubrögð í starfi
- Góð öryggisvitund
- Góð íslensku- og enskukunnátta í rituðu og töluðu máli
- Almenn ökuréttindi
Frekar upplýsingar um starfið
Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.
Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið