PDF · mars 2022

Mann­gerð fálka­hreiður – Áfanga­skýrsla 1

Fálkar eru fáliðaðir á Íslandi og viðkvæmir fyrir hvers kyns truflun á varpstöðvum. Þeir helga sér
varpóðul en innan hvers óðals geta verið nokkrir hreiðurstaðir. Fjöldi hentugra hreiðurstaða innan
hvers óðals er takmarkaður og á sumum óðulum er skortur á góðum hreiðurstöðum sem getur haft
áhrif á varpafkomu. Hreiðurstaðirnir eru ýmist grasigrónar syllur í klettum eða hrafnslaupar.
Hrafnslaupar eru mjög hentugir hreiðurstaðir fyrir fálka en þeir endast alla jafna ekki mjög lengi. Í
Þingeyjarsýslum hefur hröfnum farið fækkandi og þar með hefur dregið úr fjölda laupa sem standa
fálkum til boða á vorin. Fálkasetur Íslands hlaut styrk úr rannsóknarsjóði Vegagerðarinnar árið 2021 fyrir verkefnið Manngerð
fálkahreiður. Markmið verkefnisins er að hanna og byggja hreiðurstaði á fálkaóðulum í Þingeyjarsýslum og fylgjast með nýtingu þeirra. Tilgangurinn er að fjölga varpstöðum innan fálkaóðala
í Þingeyjarsýslum sem skortir góða varpstaði. Eftirlit með hvernig til tekst gefur góðar upplýsingar um
hvort og hve vel manngerð fálkahreður nýtast fyrir fálkann. Þessar upplýsingar má svo nota til
hliðsjónar ef farið verður í byggingu fálkahreiðra til að bæta fyrir hreiður sem skemmast eða verða
óhentug vegna framkvæmda mannsins.