Útboðsnúmer 26-070

Gils­árteigs­vegur (948) – Endur­bætur á brú á heim­reið

Vegagerðin býður hér með út endurbætur á brú á heimreið á Gilsárteigsvegi (948) í Eiðaþinghá, um 16 km norðan við Egilsstaði. Í verkinu felst útskipting á núverandi stálbitum í brúargólfi, endurnýjun á slitlagi og bríkum í timburgólfi, útskipting á brúarvegriði og styrkingar á þverviðum brúargólfs við vegriðsstólpa, og steypuviðgerðir á landstöplum.

Verkinu skal að fullu lokið 1. nóvember 2026.

Útboðsgögn eru aðgengileg og verða afhent í rafræna útboðskerfinu TendSign  frá og með þriðjudeginum 28 apríl 2026 og skal tilboðum skilað rafrænt í því útboðskerfi fyrir kl. 14:00 þriðjudaginn 19. maí 2026.

Ekki verður haldinn sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda og verðtilboð.