Akrafjallsvegur – Borgarnes
- TegundVegir
- StaðaFrumdrög, for - og verkhönnun
- Verktími2029–2038
- Markmið
- Greiðar samgöngurJákvæð byggðaþróunÖruggar samgöngur
- Heimsmarkmið
- 8. Góð atvinna og hagvöxtur9. Nýsköpun og uppbygging
- Flokkar
- RannsóknirSamgöngukerfiðVegirAðskilnaður akstursstefnuStofnvegirBrúÖryggisaðgerðir
- Svæði
- Vesturland
Verkefnið felst í breikkun hringvegar á um 32,5 km kafla frá núverandi gangnamunna Hvalfjarðarganga að brúarsporði Borgarfjarðarbrúar. Nýr vegur verður 2+1 vegur með aðskildar akstursstefnur í samræmi við markmið samgönguáætlunar um að auka umferðaröryggi og greiðfærni á einum af umferðarmeiri köflum landsvegakerfisins. Búið er að vinna frumdrög fyrir verkefnið.
Núverandi Vesturlandsvegur milli Hvalfjarðaganga og Borgarness er vegur af vegtegund C8 með 3,5 m akrein í hvora átt án miðdeilis og 0,5 m breiðri öxl. Vegurinn einkennis af slæmri vegsýn miðað við núverandi hönnunarviðmið og mikinn fjölda tenginga, en alls eru þær 46 á vegkaflanum, m.a. 12 héraðsvegir, 2 tengivegir og brýnt er að nefna 5 stærri tengingar.
Nýr Vesturlandsvegur á ofangreindum kafla verður skilgreindu sem vegtegund B15,5 með tveimur 3,5 m akreinum í aðra átt og einni 3,5 m akrein í mótstæða átt ásamt 1,5 m breiðum öxlum. Vegurinn verður hins vegar með 3 m miðdeili í stað 2 m miðdeilis og því með samanlagða vegbreidd upp á 16,5 m.
Aðskilnaður akstursstefna og breikkun á vegöxlum og vegfláum á umræddum vegkafla er talið geta haft jákvæð áhrif á umferðaröryggi á veginum, en núverandi vegur uppfyllir ekki allar öryggiskröfur miðað við umferðarþunga.
Úr teiknihefti
Úr teiknihefti