15. júlí 2026Undirbúningur fyrir turn brúar í Efri-Laugardælaeyju – myndband
Nú stendur yfir mikilvægur undirbúningur fyrir uppsetningu turns nýrrar Ölfusárbrúar í Efri-Laugardælaeyju. Í nýju myndbandi er rætt við Hjört Frey Jóhannsson verkefnastjóra hjá ÞG verktökum.
Unnið að undirbúningi turns í Efri_Laugardælaeyju sumarið 2026.
Smíðað hefur verið svokallað skapalón sem er notað til að staðsetja nákvæmlega innsteyptar boltafestingar í undirstöðu turnsins, en turninn verður boltaður fastur við þær.
Mikla nákvæmni þarf við verkið. Boltafestingarnar þurfa að vera á réttum stað með aðeins um eins millímetra skekkjumörkum.
Turninn sem reistur verður í Efri-Laugardælaeyju verður um 60 metra hár og verður eitt mest áberandi mannvirki brúarinnar.