20. mars 2026

Slæmt ferða­veður um helg­ina

Margir fjallvegir á Vesturlandi og Vestfjörðum eru þegar ófærir eða lokaðir vegna veðurs og ófærðar, þar á meðal Holtavörðuheiði, Steingrímsfjarðarheiði og Dynjandisheiði. Einnig er búið að loka Öxnadalsheiði.

Norðurland

• Lokað: Öxnadalsheiði er nú orðin lokuð og mun ekki opna í dag.
• Ófært: Vegurinn um Þverárfjall og mun heldur ekki opna í dag.

Vesturland

• Lokað: Holtavörðuheiði er lokuð vegna veðurs og opnar ekki aftur í dag. Hjáleið er um Laxárdalsheiði og Bröttubrekku.

Vestfirðir

• Ófært: Vegirnir um Gemlufallsheiði, Dynjandisheiði, Steingrímsfjarðarheiði og Þröskulda eru allir ófærir og munu ekki opna í dag. Einnig er ófært norður í Árneshrepp.
• Súðavíkurhlíð er á hættustigi og verður veginum lokað kl. 17:00.
• Óvissustig: Vegirnir um Miklidal, Hálfdán og Kleifaheiði eru allir á óvissustigi og gætu lokað með stuttum fyrirvara vegna veðurs.

Austurland

• Ófært: Það er ófært um fjallvegina Öxi og Breiðdalsheiði.

Færð og ferðaveður

Spáð er suðvestan hvassviðri eða stormi (15-23 m/s) um mest allt land, með hviðum upp í 35 m/s. Á morgun, laugardag, dregur úr vindi en það hvessir aftur annað kvöld. Búast má við dimmum éljum og snjókomu í flestum landshlutum. Ný lægð gengur yfir annað kvöld með vaxandi snjókomu, sérstaklega sunnanlands.

Varðandi sunnudaginn þá ríkir óvissa um hvar ný lægð mun koma yfir. Hún gæti farið hratt suðaustur af landinu en möguleiki er á mjög sterkum vindhviðum, sérstaklega undir Eyjafjöllum.

Vegagerðin brýnir fyrir vegfarendum að fara varlega og skoða vel upplýsingar um færðina og veðrið.

Hér fyrir neðan má sjá varúðarviðmið vegna vinds fyrir stór ökutæki.