11. september 2026

Fram­kvæmd­ir hefjast við gatna­mót Nýbýla­vegar, Ástúns og Þver­brekku

Framkvæmdin felur í sér breytingar á gatnamótunum með það að markmiði að bæta útfærslu þeirra og aðstöðu fyrir gangandi og hjólandi vegfarendur.

Þrjú hægribeygjuframhjáhlaup við gatnamótin verða aflögð og breytingar gerðar á miðeyjum. Þá verður lagður nýr göngustígur meðfram Nýbýlavegi, suðvestan við gatnamótin.

Á framkvæmdasvæðinu verður núverandi yfirborð rifið upp og ráðist í nauðsynlega jarðvinnu og nýjan yfirborðsfrágang.

Framkvæmdasvæðið nær yfir gatnamót Nýbýlavegar, Ástúns og Þverbrekku. Gera má ráð fyrir að framkvæmdirnar hafi áhrif á umferð um svæðið meðan á þeim stendur og eru vegfarendur hvattir til að sýna aðgát og fylgja merkingum á framkvæmdasvæðinu.

Verktaki er Stjörnugarðar og er áætlað að framkvæmdum ljúki innan þriggja til fjögurra mánaða. Á meðfylgjandi mynd má sjá hvernig áföngum í verkinu verður skipt upp.