2. nóvember 2023Enn eitt metið í umferðinni á Hringvegi
Umferðin á Hringveginum heldur áfram að aukast og jókst í október um rúm 6 prósent miðað við sama mánuð árið áður. Þessi aukning er nokkuð umfram það sem almennt hefur sést síðustu misseri og bendir til áframhaldandi vaxandi umferðar um landið. Líklegt er að góð færð og hagstæð veðurskilyrði hafi haft áhrif á þessa þróun og stuðlað að aukinni umferð í mánuðinum.
Frá áramótum hefur umferðin á Hringvegi aukist um rúm átta prósent, sem telst veruleg aukning. Sú þróun endurspeglar bæði aukna ferðamennsku og almenna fjölgun ökutækja, auk þess sem hún undirstrikar mikilvægi þess að fylgjast náið með álagi á vegakerfið og þróun umferðar til framtíðar.
Milli mánaða
Nýtt met var sett í umferð yfir 16. lykilteljara Vegagerðarinnar á Hringvegi í október, en umferðin reyndist 6,2% meiri en í sama mánuði á síðasta ári, sem einnig var met mánuður.
Umferðin jókst mjög svipað í öllum landssvæðum en mest um Vesturland eða um 8,6% en minnst í grennd við höfuðborgarsvæðið eða um 4,6%.
Fyrir einstaka talningarstaði mældist mesta aukningin yfir teljara á Mývatnsöræfum.
Skýring á mikilli aukningu, nú í október, kann að vera sú að færð á vegum var afar góð í mánuðinum svona heilt yfir.
Uppsöfnuð umferð frá áramótum
Núna hefur umferð aukist um 8,1%, frá áramótum, miðað við sama tímabil á síðasta ári. Er þetta met aukning miðað við árstíma, ef frá er talin aukningin eftir Covid-19 árið 2020.
Umferð eftir vikudögum
Frá áramótum hefur umferð vaxið mest á mánudögum, eða um 10,5%, en minnst á sunnudögum, eða um 6,6%. Almennt hefur umferð vaxið um 8,3% á virkum dögum en um 7,2% um helgar.
Vegna tengsla hagvaxtar og umferðar gæti meiri vöxtur í umferð, á virkum dögum gefið vísbendingu um aukin umsvif í þjóðfélaginu.
Mest er ekið á föstudögum og minnst á laugardögum.
Horfur út árið 2023
Þegar aðeins tveir mánuðir eru eftir af árinu, stefnir í að umferð geti aukist um 7,5% miðað við síðasta ár. En veðurfarið mun hafa mikil áhrif á hver endanleg niðurstaðan verður.
Þar sem síðasta ár var met ár í umferðinni, yfir umrædd talningasnið, dugar bara lítil aukning til þess að nýtt met verði sett í umferð á Hringvegi á árs grundvelli.
Umferðin eftir mánuðum
Umferðin samanlögð