8. apríl 2026Breytingar á akstri landsbyggðarvagna vegna lokunar Hvalfjarðarganga
Hvalfjarðargöng verða lokuð á kvöldin frá kl. 21:30 til kl. 06:00, frá sunnudagskvöldum til föstudagsmorgna vegna nauðsynlegrar endurnýjunar á lýsingu. Áætlað er að verkinu ljúki 29. maí. Breytingar verða á akstri landsbyggðarvagna á leiðum 50 og 59 meðan á þessum framkvæmdum stendur.
Breytingar á leið 50
Sunnudaga til fimmtudaga falla tvær síðustu ferðir dagsins niður.
Síðasta ferð dagsins á virkum dögum frá Mjódd kl. 20:54 er á mörkum þess að komast í gegnum göngin fyrir lokun þeirra klukkan 21:30 en fengist hefur undanþága til að aka þar í gegn .
Í umfjöllun um málið hefur verið vísað til þess að strætó hafi almenna undanþágu frá lokuninni. Rétt er að undanþágan á aðeins við um þessa tilteknu ferð samkvæmt gildandi tímatöflu. Aðrar ferðir falla niður í samræmi við lokunartíma.
Ferðir sem falla niður mánudaga til fimmtudaga:
20:34 Borgarnes-Mjódd
22:00 Borgarnes-Mjódd
22:09 Mjódd-Borgarnes
23:35 Mjódd-Akranes
Ferðir sem falla niður á sunnudögum:
19:40 Borgarnes-Mjódd
21:40 Akranes-Mjódd
21:20 Mjódd-Borgarnes
22:50 Mjódd-Akranes
Breytingar á leið 59
Sunnudagsferð verður flýtt um 10 mínútur frá Borgarnesi og Hólmavík.
Á akstursleiðinni Hólmavík-Borgarnes mun vagninn tengjast leið 57 kl.19:30 í Borgarnesi í stað leiðar 50 kl.19:40.
Áætlun breytist eftirfarandi:
Brottför Borgarnes verður 14:50 í stað 15:00
Brottför Hólmavík verður 17:03 í stað 17:13
Heildaruppfærsla á lýsingarbúnaði ganganna
Um er að ræða heildaruppfærslu á lýsingarbúnaði ganganna. Eldri búnaður verður endurnýjaður og settir upp dimmanlegir LED-lampar sem uppfylla nútímakröfur um lýsingu og öryggi í jarðgöngum. Núverandi lýsing í Hvalfjarðargöngum hefur verið í notkun frá opnun þeirra. Framleiðslu á perum fyrir þann búnað hefur nú verið hætt og birgðir að klárast. Með aukinni umferð um göngin er orðið brýnt að ráðast í heildaruppfærslu á lýsingunni, svo hún uppfylli nútímakröfur og tryggi sem best öryggi allra vegfarenda.
Breytingar verða á akstri landsbyggðarvagna á leiðum 50 og 59 vegna lokunar Hvalfjarðaganga.
Hvalfjarðargöngin voru opnuð árið 1998.