13. nóvember 2026Bráðabirgðatengingar vegna Borgarlínu í útboð
Vegagerðin og Veitur hafa auglýst eftir tilboði á for- og verkhönnun bráðabirgðatengingar Borgarlínu um Nesbrautarbrú í Reykjavík, ásamt breytingum og aðlögun núverandi vegstæðis, gatnamóta og stíga, sem munu ná frá gatnamótum Arnarhlíðar við Hlíðarenda að Snorrabraut við Burknagötu, með tengingu við SV-rampa frá Miklubraut. Verkefnið er hluti af Samgöngusáttmála höfuðborgarsvæðisins.
Í verkinu felst hönnun sérakreina Borgarlínu um Arnarhlíð við Hlíðarenda og hönnun á tímabundinni lausn sem mun tengja 1. lotu Borgarlínu milli Arnarhlíðar og Burknagötu þar til Miklubrautargöng verða tekin í notkun.
Verkið felst í megindráttum í for- og verkhönnun á akbraut og akreinum Borgarlínu, ásamt stígum og aðlögun núverandi vega, stíga og gatnamóta, hönnun undirganga, umferðargreiningum- og stýringum ásamt breytingum á lögnum Veitna ohf.
Helstu verkþættir eru:
- Verkefnastjórnun samgönguverkefna
- Vega- og gatnahönnun – vegir, stígar og Borgarlínuakreinar
- Samgöngutækni – kortlagning stíga, hermun og umferðarstýringar
- Burðarvirkjahönnun – undirgöng og stoðveggir
- Veituhönnun – breytingar á fráveitu, hitaveitu og rafveitu