12. október 2026Allra veðra von
Haustið er gengið í garð og vonskuveður í kortunum. Vegfarendur eru hvattir til að fylgjast vel með upplýsingum um færð og veður á Umferðin.is, vera búnir eftir aðstæðum og aka með gát. Ferðaþjónustunni er bent á að biðja sína viðskiptavini að fylgjast vel með veðurspám og láta þá vita af því að á Umferdin.is eru upplýsingar á ensku og pólsku. Þá er ráðlagt að fylgjast með ölduhæð og sjávarstöðu á Sjólag.is.
Á Umferdin.is eru upplýsingar á íslensku, ensku og pólsku.
Veðurviðvaranir í kortunum
Veðurstofan hefur gefið úr gular og appelsínugular viðvaranir fyrir miðvikudaginn 14. október vegna óvenju djúprar lægðar sem á að ganga yfir landið. Búast má við hvassviðri og úrkomu og líkur eru taldar á að veðrið hafi áhrif á samgöngur. Upplýsingar um veðrið má ávallt finna á vedur.is.
Vegagerðin hvetur ökumenn til að fylgjast vel með færð og veðurspám áður en lagt er af stað, sérstaklega ef ferðalög liggja yfir fjallvegi en e.t.v. þarf að loka þeim með stuttum fyrirvara. Mikilvægt er að gera ráðstafanir eins og að hafa vetrardekk í lagi, auk þess að sýna sérstaka aðgát á leiðum sem liggja um heiðar þar sem veður og færð geta breyst hratt.
Hálka getur verið lúmsk
Yfir veturinn geta aðstæður á vegum breyst hratt, ekki síst í frosti. Þegar kalt er í veðri má almennt búast við hálku og hálkublettum, ekki síst á nóttunni og fram eftir morgni.
Þegar hitastig nálgast frostmark getur myndast hálka eða hálkublettir, einkum að næturlagi og snemma morguns. Þetta á sérstaklega við um fjallvegi, heiðar og aðra vegarkafla þar sem hitastig getur verið lægra en á láglendi.
Blautur vegur getur einnig orðið varasamur þegar hitastig lækkar og því mikilvægt að ökumenn séu vakandi fyrir breytingum á vegyfirborði. Þegar ferðast er um fjallvegi og heiðar þarf að sýna sérstaka aðgát þar sem veður og færð geta breyst á skömmum tíma.