Umsjónarmaður véla og tækja
- StarfssvæðiHöfuðborgarsvæðið
- Tegund starfsIðnstörf
- Starfshlutfall100%
- Umsóknarfrestur16. nóvember 2026
Við leitum að fjölhæfum einstaklingi til að bætast í hópinn hjá véla og tækjateyminu á rekstrardeild Vegagerðarinnar.
Á rekstrardeild starfa um 14 manns og þar af þrír í vélum og tækjum. Rekstrardeild er þjónustudeild þar sem mikið er lagt upp úr góðri liðsheild, ríkri þjónustulund og lausnamiðaðri nálgun. Deildin þjónustar verkstæði Vegagerðarinnar um allt land, ásamt fasteignum, vöruinnkaupum og birgðastýringu. Vegagerðin er með 18 starfsstöðvar, starfsemi rekstrardeildar er í Garðabæ.
Helstu verkefni
- Útvega varahluti í vélar og tæki, í samráði við verkstæðisformenn og yfirverkstjóra á þjónustustöðvum.
- Ráðgjöf og fræðsla um umhirðu og notkun tækjabúnaðar Vegagerðarinnar.
- Eftirlit með notkun og viðhaldi tækjabúnaðar Vegagerðarinnar.
- Aðstoð við gerð viðhaldsáætlana fyrir tækjabúnað.
- Ástandsskoðun á vélum og tækjum á starfsstöðvum Vegagerðarinnar.
- Almenn verkefni tengd rekstri véla og tækja.
Hæfniskröfur
- Þekking á vélum og tækjabúnaði, einkum þeim er varða vegaþjónustu s.s. vegheflum, dreifurum, snjótönnum ásamt vökvakerfum og varahlutum er æskileg.
- Sveinspróf í vélvirkjun, bifvélavirkjun, eða sambærileg menntun er kostur.
- Mikil samskiptafærni, lausnamiðuð nálgun, hæfni til að vinna sjálfstætt og í hóp.
- Almenn ökuréttindi, C- og E-réttindi eru kostur.
- Hæfni til að nota tölvur og stafrænar lausnir í starf.
- Gott vald á íslensku og ensku.
- Góð öryggisvitund.
Frekar upplýsingar um starfið
Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og þær hæfnikröfur sem óskað er eftir, auk afrita af prófskírteinum og ökuréttindum. Öllum umsóknum verður svarað þegar ákvörðun um ráðningu hefur verið tekin.
Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið.