Forstöðumaður umferðardeildar
- StarfssvæðiHöfuðborgarsvæðið
- Tegund starfsStjórnunarstörf
- Starfshlutfall100%
- Umsóknarfrestur2. nóvember 2026
Vegagerðin auglýsir eftir öflugum leiðtoga í starf forstöðumanns umferðardeildar. Verkefni deildarinnar snúa að umferð og umferðaröryggi. Á deildinni vinna sex sérfræðingar í verkefnum sem snúa að úrvinnslu og greiningu gagna um umferð og umferðaröryggi á þjóðvegakerfinu ásamt rannsóknum, áætlanagerð og faglegri ráðgjöf á þeim sviðum.
Verkefni umferðardeildar eru m.a.
- Skipulagning, framkvæmd og úrvinnsla umferðartalninga, hraðamælinga og umferðarkannana
- Gerð og þróun umferðarlíkana, umferðarspáa og umferðargreininga
- Söfnun, úrvinnsla og greining gagna um umferðarslys og umferðaröryggi á þjóðvegakerfinu
- Gerð áætlana um aðgerðir til að bæta umferðaröryggi
- Framkvæmd og umsjón með umferðaröryggisúttektum á vegum og vegaumhverfi
- Rannsóknir, þróun og innleiðing nýrrar þekkingar og aðferðafræði á sviði umferðar- og umferðaröryggismála
Helstu verkefni
Forstöðumaður leiðir þróun og faglega starfsemi umferðardeildar. Forstöðumaður leiðir umbótaverkefni og stefnumótun, ásamt því að bera ábyrgð á hagkvæmum rekstri og skilvirkri starfsemi deildarinnar. Forstöðumaður heyrir undir framkvæmdastjóra þróunarsviðs. Starfsstöð er í Garðabæ.
- Fagleg forysta og stefnumótun á sviði umferðar- og umferðaröryggismála
- Yfirumsjón með umferðargreiningum, umferðarlíkönum, umferðarspám og rannsóknum á sviði umferðarmála.
- Ábyrgð á greiningu umferðaröryggis, umferðaröryggisúttektum og áætlanagerð um úrbætur á þjóðvegakerfinu
- Þróun aðferðafræði, verklags og gagnadrifinnar ákvarðanatöku á starfssviði deildarinnar
- Fagleg ráðgjöf til stjórnenda og annarra eininga Vegagerðarinnar
- Samstarf við innlenda og erlenda hagaðila á sviði umferðar- og umferðaröryggismála
- Ábyrgð á áætlanagerð, kostnaðareftirliti og frávikagreiningu í rekstri deildar
- Ábyrgð á starfsfólki deildarinnar og góðu starfsumhverfi
- Fylgjast með alþjóðlegri þróun og nýsköpun innan fagsviðs deildarinnar
Hæfniskröfur
- Framúrskarandi hæfni í mannlegum samskiptum
- Leiðtogahæfni, auk hæfni til stefnumótunar og forgangsröðunar
- Háskólapróf á sviði verk- og tæknifræði, ásamt meistaraprófi sem nýtist í starfi
- Haldbær reynsla af verkefnum sem umferðardeild fæst við
- Mjög góð hæfni til ákvarðanatöku, eftirfylgni og verkefnastýringar
- Árangursdrifni, frumkvæði og faglegur metnaður
- Mjög góð íslensku- og enskukunnátta í rituðu og töluðu máli
- Kunnátta í norðurlandamáli er kostur
Frekar upplýsingar um starfið
Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin. Umsóknir geta gilt í sex mánuði frá því að umsóknarfrestur rennur út.¿
Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið