PDF · Útgáfa NR-1800-1054 — mars 2026Greining jarðskjálfta í Bárðarbungu, kortlagning kvikuhólfs og náttúruvá
Þessi lokaskýrsla tekur saman þann verkhluta verkefnisins sem studdur var af Rannsóknasjóði Vegagerðarinnar árið 2025. Styrkurinn var nýttur sem viðbótarframlag til vettvangsvinnu í stærra rannsóknasamstarfi um skjálftavirkni og kvikukerfi Bárðarbungu. Meginmarkmið styrkhlutans var að gera mögulega uppsetningu, rekstur og endurheimt tímabundins, þétts jarðskjálftanets á og við öskju Bárðarbungu undir Vatnajökli, og þar með afla hágæða gagna fyrir áframhaldandi greiningu á kvikukerfinu og náttúruvá á svæðinu.
Á tímabilinu 3.-4. apríl 2025 voru 12 hallanæmir þriggja þátta breiðbandsjarðskjálftamælar settir út á og við öskjuna. Mælarnir voru síðan sóttir 19.-20. september 2025, þannig að samfelld gagnasöfnun stóð yfir í um 5,5 mánuði. Vettvangsvinna tókst vel, gagnaheimt var nær samfelld og gæðaskoðun sýnir að gagnasafnið hentar vel fyrir fyrirhugaða jarðskjálftaskrá, endurstaðsetningar og tómógrafíuvinnslu.
