PDF · Útgáfa Rit LBHÍ nr. 2 — júní 2005

Uppgræðsla vegfláa með innlend­um úthaga­tegund­um, Land­búnaðar­háskól­inn 2005

Tilgangur og hugmyndafræði þessarar rannsóknar er að reyna innlendar tegundir
sem ekki hafa verið reyndar áður við uppgræðslu vegfláa. Þetta er langtímaverkefni.
Grastegundir hafa áður verið í vegfláatilraunum og segja má að til sé veruleg þekking
hvernig á að nota grastegundir og þær eru almennt notaðar við uppgræðslu vegfláa.
Augljós galli þeirrar notkunar er þó að vegfláinn sker sig oft úr umhverfinu með þeim
hætti að ekki eru sömu tegundir í honum og fyrir utan hann. Grastegundir þarfnast
einnig áburðargjafar ef þær eiga að vaxa vel. Um haust er efsti hluti vegfláans oft
sleginn til að minnka snjósöfnun.
Margar innlendar tegundir vaxa vel án áburðargjafar og falla algjörlega um haust. Þá
verður lítil sem engin sina eftir sem bundið getur snjó.