Kerfisstjóri á upplýsingatæknideild
- LocationHöfuðborgarsvæðið
- TypeSkrifstofustörf
- Employment100%
- Application deadline3. mars 2026
Hjá Vegagerðinni eru framundan spennandi tímar og okkur vantar öflugan kerfisstjóra í fjölbreytt og áhugavert starf á deild upplýsingatækni og gagnaþjónustu á starfstöð okkar í Garðabæ. Upplýsingatækni og gagnaþjónusta tilheyrir fjármálasviði og starfa 13 starfsmenn á deildinni.
Helstu verkefni
Starfið felst í kerfisstýringu ásamt fjölbreyttum verkefnum til að tryggja öruggan rekstur upplýsingakerfa Vegagerðarinnar svo sem:
- Rekstur á netþjónum, sýndarumhverfum og staðar- og víðnetum.
- Uppsetning og rekstur á skýjaþjónustum.
- Þátttaka í umbótarverkefnum og teymisvinnu innan deildar og utan.
- Samskipti við þjónustuaðila.
Hæfniskröfur
- Víðtæk reynsla af kerfisrekstri.
- Kerfisfræðingur, tæknilegar vottanir, og/eða önnur menntun sem nýtist í starfi.
- Góð þekking á rekstri sýndarumhverfa.
- Góð þekking á Microsoft skýjalausnum og rekstri þeirra.
- Góð þekking á Linux er mikill kostur.
- Reynsla af rekstri netþjóna í skýjaþjónustum er kostur.
- Þekking á Windows Server rekstri og gagnagrunnum er kostur.
- Rík öryggisvitund og skilningur á mikilvægi rekstraröryggis.
- Skipulögð og öguð vinnubrögð og góðir samstarfs- og samskiptahæfileikar.
- Metnaður og frumkvæði í starfi.
- Góð íslensku- og enskukunnátta.
Frekar upplýsingar um starfið
Fólk af öllum kynjum er hvatt til að sækja um starfið. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum. Öllum umsóknum verður svarað þegar ákvörðun um ráðningu hefur verið tekin.
Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.