Eftirlitsmaður á umsjónardeild Austursvæðis
- LocationAusturland
- DepartmentTæknistörf
- Employment100%
- Application deadline13. maí 2025
Vegagerðin óskar eftir eftirlitsmanni með nýframkvæmdum og viðhaldi vega á starfssvæði Vegagerðarinnar á Austursvæði, sem nær frá Gígjukvísl á Skeiðarársandi að Vopnafirði. Umsjónardeild Austursvæðis er staðsett á Reyðarfirði, en einnig gæti komið til greina fyrir eftirlitsmann að hafa starfsstöð á þjónustustöð Vegagerðarinnar í Fellabæ að hluta. Starfið felur í sér töluverð ferðalög um allt starfssvæðið.
Umsjónardeildir svæða sinna eftirliti og umsýslu með framkvæmdum á viðkomandi svæði, þar með talið viðhaldi bundinna slitlaga, styrkingum og endurbótum, auk efnisvinnslu.
Helstu verkefni
- Eftirlit með framkvæmdum og viðhaldi vega
- Þátttaka í áætlanagerð og undirbúningi framkvæmda, bæði tæknileg og fjárhagsleg
- Umsjón með verkfundum og gæðaeftirlit
- Skráning gagna í kerfi Vegagerðarinnar
- Skýrslugerð tengd framkvæmdum og viðhaldsverkefnum
- Mælingar tengdar framkvæmdum og undirbúningi verka
Hæfniskröfur
- Iðnmenntun og/eða löng reynsla sem nýtist í starfi
- Tæknimenntun æskileg
- Góð tölvukunnátta skilyrði
- Nákvæmni og öguð vinnubrögð
- Frumkvæði og hæfni til að vinna sjálfstætt sem og í hóp
- Góðir samstarfshæfileikar og þjónustulund
- Almenn ökuréttindi
- Gott vald á íslensku og ensku
- Góð öryggisvitund
Frekar upplýsingar um starfið
Áhugasamir einstaklingar, án tillits til kyns, eru hvattir til að sækja um. Í umsókninni komi fram upplýsingar um fyrri störf og upplýsingar um þær hæfnikröfur sem óskað er eftir, auk afrita af prófskírteinum og ökuréttindum. Öllum umsóknum verður svarað þegar ákvörðun um ráðningu hefur verið tekin.
Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru. Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 350 starfsmenn Vegagerðarinnar starfa á 18 starfsstöðvum víðsvegar um landið.
Umsóknir geta gilt í sex mánuði frá því að umsóknarfrestur rennur út. Öllum umsóknum um starfið verður svarað þegar ákvörðun um ráðningu hefur verið tekin.