Héðinsfjarðargöng - Yfirlitsmynd frá Siglufirði

Smellið á myndina til að skoða myndasafnið

Héðinsfjarðargöng er stærsta verkefni sem Vegagerðin hefur boðið út til þessa og var verksamningur milli Vegagerðarinnar og verktakans Metrostav a.s. og Háfell ehf undirritaður á Siglufirði þann 20. maí 2006.

Upphæð verksamnings er um 5,7 milljarðar króna en heildarkostnaður verksins er áætlaður rúmir 7 milljarðar.

Framkvæmdin er liður í að bæta samgöngur, auka umferðaröryggi og tengja Siglufjörð við Eyjafjarðarsvæðið og styrkja þannig byggð á svæðinu.

Framkvæmdin mun stytta leiðina milli Siglufjarðar og Ólafsfjarðar úr 62 km í um 15 km miðað við leið um Lágheiði og úr 234 km í 15 km miðað við leið um Öxnadalsheiði.

Helstu kennitölur:

Göng 1 (tvíbreið) Ólafsfjörður – Héðinsfjörður: 6,9 km

Göng 2 (tvíbreið) Héðinsfjörður – Siglufjörður: 3,7 km

Vegir: 3,2 km þar af 2 km í Siglufirði, 0,6 km í Héðinsfirði og 0,6 km í Ólafsfirði.

Vegskálar við alla fjóra gangamunna: alls 450 m

Áætlaður framkvæmdatími: 20. maí 2006 – 30. september 2010

Ýmsar tölvugerðar myndir af framkvæmdunum má finna hér.

Kynningarbæklingur um Héðinsfjarðargöng