Vegagerðin býður ferðafólk á þjóðvegum landsins velkomið að njóta náttúru Íslands á fjölmörgum og margvíslegum áningarstöðum sem útbúnir hafa verið víðsvegar um ísland. Nokkru áðir en komið er að stöðunum og við útafkeyrsluna eru viðeigandi upplýsingamerki í vegkantinum til ábendingar.

Umhirða áningarstaða


Uppsetning skilta - leiðbeiningar
Einfalt skilti - rammi og uppsetning
Skýringarmynd - festing ramma við jörð og við miðjustoð
Sérskilti - rammi og uppsetning
Grunnlitir notaðir á skiltum VG
Landshlutaskilti og Svæðisskilti - rammi og uppsetning
Tvöfalt svæðisskilti - rammi og uppsetning

Merkingar áningarstaða
Merki E02.63 er einkum notað til að merkja áningarstaði en stundum eru þó önnur merki notuð.

E02.63 Áningarstaður Reglugerð um umferðarmerki: Merki þetta vísar á stærri áningarstað þar sem eru bifreiðastæði, borð og bekkir. Vinnureglur um notkun utan þéttbýlis: Merki þetta má nota til að vísa á alla áningarstaði. Æskilegt er að hefja vegvísun að áningarstað á undirmerki J10.11 a.m.k. 500 m fyrir framan áningarstað. Leitast skal við að merkja áningarstaði sem eru innan við 1 km frá vegi sem vísað er frá með undirmerki J10.11 og tilheyrandi vísunarmerki J12 . Þar sem ekið er út af vegi að áningarstað skal merkið staðsett sömu megin og áningarstaðurinn.

E02.11 Upplýsingar Reglugerð Dómsmálaráðuneytis: Merki þetta er notað til að vísa á stað þar sem ferðamönnum eru veittar upplýsingar með upplýsingatöflum e.þ.h. Vinnureglur um notkun utan þéttbýlis: Merkið vísar einnig á stað þar sem ferðamönnum eru m.a. veittar svæðisbundnar upplýsingar um ferðaþjónustu.

E02.61 Athyglisverður staður Reglugerð um umferðarmerki: Merki þetta er notað þar sem ástæða þykir til að benda vegfarendum á athyglisverða staði, aðra en þá sem eru merktir með sérstöku tákni. Vinnureglur um notkun: Athyglisverðir staður er t.a.m. fornminjar, söfn, náttúrufyrirbæri og annað sem ástæða er til að vekja athygli ferðamanna á sérstaklega. Merkið er oft notað á rauðum staðarvísi F04.11 en einnig á upplýsingatöflum og staðarvísum.

E02.62 Gönguleið Reglugerð um umferðarmerki: Merki þetta vísar á upphaf gönguleiðar. Vinnureglur um notkun utan þéttbýlis: Mælt er með að takmarka notkun merkisins við leiðir sem eru merktar í landinu, það er varðaðar eða stikaðar leiðir.

E02.64 Útsýni Reglugerð um umferðarmerki: Merki þetta vísar á stað þaðan sem útsýni er gott. Vinnureglur um notkun utan þéttbýlis: Merki þetta má nota til að vísa á góðan útsýnisstað. Merkið skal aðeins setja upp þar sem útskot er á vegi eða þar sem vegur liggur að útsýnisstað.

D01.11 Bifreiðastæði Reglugerð um umferðarmerki: Merki þetta er notað til að sýna hvar bifreiðastæði eru.

D01.61 Keðjunarstaður Reglugerð um umferðarmerki: Merki þetta er notað til að sýna hvar eru útskot við veg sem sérstaklega eru ætluð fyrir ökumenn sem þurfa að setja á keðjur eða taka af, gjarnan við heiðarsporða.