Minni umferð á Hringveginum í febrúar
Samdrátturinn nemur 2,6 prósentum
Umferðin í nýliðnum febrúar á Hringveginum dróst saman um 2,6 prósent sé tekið mið af sama mánuði fyrir ári síðan. Samdráttinn má líklega rekja til tíðarfarsins sem var óvenju erfitt í mánuðinum. Mest dróst umferðin saman á Vesturlandi eða um rúm sjö prósent.
Milli
mánaða 2016 og 2017
Ekki óvænt
(vegna veðurs) þá dróst umferð saman í nýliðnum febrúar borið saman við sama
mánuð á síðasta ári og nam samdrátturinn 2,6%. Mestur mældist
samdrátturinn um Vesturland eða um 7,1% en umferðin jókst hins vegar mest um
teljarasnið á Austurlandi eða um 9,1%.
Hvað einstaka teljarasnið varðar þá dróst umferðin mest saman um Hringveg undir Hafnarfjalli eða um 10,6% aftur á móti varð mesta aukningin um teljarasnið á Fagradal á Austurlandi eða um 10,8%.
Þrátt fyrir samdrátt miðað við síðasta ár mældist umferðin, í nýliðnum febrúar, sú næst mesta í febrúarmánuði frá upphafi samantektar.
Frá
áramótum milli 2016 og 2017
Nú hefur
umferðin aukist um 1,5% frá áramótum. Mest hefur hún aukist um mælisnið á
Austurlandi en dregist mest saman um mælisnið á Vesturlandi eða um 2,7%.
Umferð
eftir vikudögum
Það sem af
er ári hefur umferð aukist mest á fimmtudögum en dregist mest saman á
sunnudögum eða um 12,3%. Þetta kann að vera vísbending um að einkaerindum hafi
verið skotið á frest í upphafi árs, þá vegna veðurs.
