Umferðin á Hringvegi stóð í stað í ágúst
Umferðin í ágúst jafnmikil og í fyrra
Umferðin í nýliðnum ágústmánuði stóð svo gott sem í stað miðað við sama mánuð fyrir ári síðan. Að meðaltali hefur umferð síðan árið 2005 aukist um 3,6 prósent í ágúst, þannig að þetta er töluverð breyting. Eigi að síður er gert ráð fyrir því að umferðin geti aukist um 3,9 prósent í ár.
Milli
mánaða 2018 og 2019
Umferðin
stóð svo til í stað milli ágúst mánaða 2018 og 2019, um 16 lykilteljara
Vegagerðarinnar á Hringveginum, en aukningin mældist 0,1%. Þetta er langt
undir meðaltalsaukningu í ágúst mánuða frá árinu 2005, sem er 3,6%.
Mest jókst umferðin um mælisnið á og í grennd við höfuðborgarsvæðið eða um 2,4% en 6,1% samdráttur mældist um mælisnið á Norðurlandi. Munar þar mest um mikinn samdrátt yfir mælisnið á Mývatnsheiði en þar varð tæplega 20% samdráttur milli ára í ágúst. Mesta aukningin varð hins vegar um mælisnið við Úlfarsfell á höfuðborgarsvæðinu en þar jókst umferðin um 4,3%.
Frá
áramótum 2018 og 2019
Nú hefur
umferðin aukist um 3,6% frá ármótum miðað við sama tímabil á síðasta ári. Leita þarf
aftur til ársins 2013 til að finna minni aukningum miðað við árstíma. Mest hefur
umferðin aukist um Vesturland eða um 6,8% en 2,3% samdráttur mælist um
Austurland.
Umferð
vikudaga
Umferðin
hefur aukist mest um helgar og á sunnudögum eða um 7,2% en minnst hefur umferðin
aukist virkum dögum en á mánudögum mælist minnsta aukningin eða 2,2%.
Þetta er athyglisvert þar sem gera má ráð fyrir að einkaerindi ökumanna séu hærra
hlutfall í umferðinni um helgar heldur en á virkum dögum. Því má draga þá
ályktun að það sé að hægja meira á þrótti atvinnulífsins en einkaerindum
ökumanna.
Horfur út
árið 2019
Reiknilíkan
umferðardeildar hafði gert ráð fyrir samdrætti í ágústumferð en ekki varð af
því þá hafa horfur út árið aðeins breyst frá því sem áður hafði verið birt og
nú er gert ráð fyrir 3,9% vexti í umferðinni í árslok, að því gefnu að umferðin
aukist um og yfir 5% í næstu mánuðum.