Umferð á Hringvegi eykst frá því fyrir ári
gríðarleg aukning, en samdráttur frá áramótum á Suðurlandi
Umferðin á Hringvegi í mars jókst um nærri 23 prósent frá mars í fyrra en þá hafði kórónufaraldurinn dregið mjög mikið úr umferð. Frá áramótum hefur umferðin aukist um sjö prósent og frá áramótum er aukning í öllum landssvæðum utan Suðurlands þar sem umferð dregst saman. Má það væntanlega rekja til samdráttarins í ferðamennskunni.
Milli mánaða
Umferðin, yfir 16 lykilteljara Vegagerðarinnar á Hringvegi,
reyndist tæplega 23% meiri en í sama mánuði á síðasta ári. Þessi aukning
er í takt við þá aukningu, sem varð í sama mánuði á höfuðborgarsvæðinu, enda fyrsta
bylgja kórónufaraldurs í fullum gangi á þessum tíma á síðasta ári.
Umferðin á Hringvegi reyndist sú þriðja mesta frá upphafi mælinga.
Umferð jókst í öllum landssvæðum en mest á Norðurlandi eða um 34,6% en minnst um teljarasnið á Suðurlandi eða um 16,8%.
Athygli vekur að allir talningastaðir, fyrir utan tvo, sýna mikla aukningu. Mest jókst umferðin um Holtavörðuheiði eða um 46,3%. Þeir staðir sem sýna samdrátt eru Mýrdalssandur með tæplega 49% samdrátt og vestan Hvolsvallar með rétt rúmlega 5% samdrátt. Umferðin um Mýrdalssand, var í síðasta mánuði, rétt rúmlega það sem hún var árið 2013.
Frá áramótum
Nú þegar liðnir eru þrír mánuðir af árinu 2021 hefur umferð
aukist um 7% miðað við sama tímabil á síðasta ári. Umferð hefur aukist á öllum
landssvæðum utan Suðurlands. Mest hefur umferð aukist um Norðurland eða um 12,8%
en á Suðurlandi mælist 2,1% samdráttur, frá áramótum.
Umferð eftir vikudögum
Frá áramótum hefur umferðin aukist í öllum vikudögum.
Mest hefur umferð aukist á sunnudögum eða um 16,8% en minnst á miðvikudögum eða um 2,5%. Mest hefur verið ekið á föstudögum en minnst á miðvikudögum.
