Tvöföldun Reykjanesbrautar (41) í Hafnarfirði: Íbúafundur
Íbúafundur um framkvæmdirnar 13. mars 17:30 í Hafnarborg
Nú fara framkvæmdir að hefjast við tvöföldun Reykjanesbrautar (41) frá Kaldárselsvegi vestur fyrir Krýsuvíkurgatnamót. Á opnum íbúafundi um tvöföldun brautarinnar, 13. mars nk., verður farið yfir framkvæmdir á svæðinu lið fyrir lið en framkvæmdirnar munu hafa áhrif á umferð og annað á svæðinu á meðan þær standa yfir.
Fundurinn verður haldinn í Hafnarborg í Hafnarfirði 13. mars kl. 17:30 - 18:30Dagskrá fundar:
- Inngangur fundarstjóra. Helga Ingólfsdóttir
- Kynning á gatnaframkvæmdum. Baldvin Einarsson @ Efla verkfræðistofa
- Kynning á veituframkvæmdum (Landsnet, Vatnsveita Hafnarfjarðar, HS Veitur, Veitur). Gísli Ó. Valdimarsson @ VSB verkfræðistofa
- Fyrirspurnir og umræða
Fundarstjóri er Helga Ingólfsdóttir, formaður umhverfis- og framkvæmdaráðs Hafnarfjarðarbæjar
Búið er að bjóða út tvöföldun brautarinnar frá Kaldárselsvegi vestur fyrir Krýsuvíkurgatnamót og tengd verk sem snúa að breytingum á lögnum veitufyrirtækja. Reiknað er með að framkvæmdir hefjist með vorinu og verði að fullu lokið síðla hausts 2020.
Verkið er samvinnuverkefni Vegagerðar og Hafnarfjarðarbæjar.
Allir áhugasamir eru hvattir til að mæta.
Beint streymi verður frá fundi á Facebooksíðu Hafnarfjarðarbæjar.
Kynningarmyndband:
