Rannsóknaráðstefna Vegagerðarinnar 2016

Rannsóknaráðstefna Vegagerðarinnar verður haldin í Hörpu, föstudaginn 28. október 2016

11.10.2016

Hin áhugaverða og vel sótta rannsóknaráðstefna Vegagerðarinnar verður haldin í 15. sinn föstudaginn 28. október næst komandi. Skráning er hafin, hlekk er að finna í fréttinni.

Rannsóknaráðstefna Vegagerðarinnar verður haldin í Hörpu, föstudaginn 28. október 2016. Dagskrána er að finna neðar í þessari frétt.

Þetta er sú fimmtánda í röðinni, en kveðið er á í vegalögum um að 1,5% af mörkuðum tekjum til vegamála skuli renna til rannsókna- og þróunarstarfs og er ráðstefnunni ætlað að endurspegla afrakstur hluta þess starfs.

Vegagerðin vinnur að innleiðingu Grænna skrefa í ríkisrekstri og hvetur þátttakendur til huga að lágmörkun umhverfisáhrifa, svo sem með notum á vistvænum ferðamáta til og frá ráðstefnunni og taka þátt í úrgangsflokkun á staðnum.

Hægt er að skrá sig á ráðstefnuna á þessum hlekk: Skráning á rannsóknaráðstefnu Vegagerðarinnar 2016

Þátttökugjald er 15.000 krónur og 4.000 krónur fyrir nema og eftirlaunaþega.

 

Munið umhverfið og grænu skrefin:

 

 

• Ferðumst saman í bíl. 
• Göngum. 
• Hjólum. 
• Stökkvum í strætó.
• Rannsóknaráðstefnan er haldin í Hörpunni sem hefur undirritað loftslagsyfirlýsingu Festu og Reykjavíkurborgar um að draga úr myndun úrgangs.