Fréttir
Hátt í 150 manns á opnu húsi í Reykjavík
töluverður fjöldi sótti opið hús þar sem Sprengisandsleið var kynnt
Á milli 100 og 150 manns sóttu kynningarfund Vegagerðarinnar og Landsnets í Reykjavík í gær 13. nóvember þar sem drög að tillögu að matsáætlun vegna Sprengisandsleiðar og vegna háspennulínu voru kynnt.
Áður hafði sama kynning farið fram í Þingeyjarsveit og á Hellu. Fjórði kynningarfundurinn verður síðan haldinn á Hótel KEA á Akureyri þriðjudaginn 18. nóvember.
Fulltrúar Landverndar, Ferðafélags Íslands, Útivistar og Ferðklúbbsins 4x4 mættu meðal annarra á kynninguna og lýstu eindreginni andstöðu sinni við framkvæmdir á Sprengisandsleið.
Kynningin fer fram með kynningum á skjávörpum og með kortum þar sem sýndar eru t.d. þær veglínur sem Vegagerðin leggur fram. Starfsmenn ræða við gesti um drögin að tillögunni að matsáætlun en athugasemdafrestur er til 20. nóvember. Á þessum kynningunum gefst almenningi færi á að kynna sér í hvað þessu felst til þess m.a. að auðvelda fólki að gera athugasemdir.
Starfsmenn Vegagerðarinnar hafa einnig tekið niður athugasemdir og fyrirspurnir sem varpað hefur verið fram og munu þær og svör við þeim verða lögð fram með tillögunni að matsáætlun án þess að fyrirspyrjanda sé getið.
