Fréttir
Minna ekið á höfuðborgarsvæðinu
umferðin dregst saman í september
Þrátt fyrir heldur minni umferð á höfuðborgarsvæðinu í september í ár miðað við september í fyrra reiknar Vegagerðin með því að umferðin aukist á árinu í heild um 2,5 prósent.
Milli mánaða
Áætlað er að heldur minni umferð hafi verið innan höfuðborgarinnar í nýliðnum september mánuði miðað við sama mánuð á síðasta ári, eða 1,1% minni. Búist hafði verið við því að umferð ykist í sept. miðað við sama mánuð á síðasta ári. Ástæða þess að áætlanir stóðust ekki gætu hafa verið þær að bilanir (rauðlitaður texti í töflu talnaefnis) hafa verið í teljurum á höfuðborgarsvæðinu sem gert spár óáreiðanlegri.
Frá áramótum milli ára 2012 og 2013
Það sem af er áætlað að umferð hafi aukist um tæp 3% á höfuðborgarsvæðinu. Er þetta mesta aukning miðað við árstíma síðan árið 2008, í þessum mælisniðum.
Horfur út árið
Horfur út árið 2013 hafa aðeins dregist saman miðað við síðustu frétt vegna minni umferðar í september en búist hafði verið við. Nú er gert ráð fyrir um 2,5% aukningu í umferð innan höfuðborgarsvæðisins fyrir árið 2013 borið saman við árið 2012.