Starfsmenn gefa páskaegg
Fjölskylduhjálp tók við 46 eggjum
Starfsmenn Vegagerðarinnar urðu við ákalli Fjölskylduhjálpar og söfnuðu páskaeggjum fyrir þessa páska en það er ekki sjálfgefið að öll börn á Íslandi fái páskaegg.
Starfsmenn gáfu beint í söfnun eggjanna ríflega 20 egg og starfsmannafélagið í miðstöð bætti ríflega öðru eins við þannig að Fjölskylduhjálpinni var afhent 46 egg í gær mánudag. Voru menn þar á bæ himinlifandi með árangurinn en fram að því hafði Fjölskylduhjálpinni borist um 100 egg.
Starfsmannafélagði brást við þesssari ósk Fjölskylduhjálparinnar:
Hjálpum Fjölskylduhjálp að safna páskaeggjum fyrir börnin!
Það er ekki sjálfgefið að börn á Íslandi fái páskaegg til að njóta og gleðjast yfir á páskunum.
Margar fjölskyldur eiga í miklum erfiðleikum og aukalegur kostnaður eins og að kaupa páskaegg handa börnum sínum er ekki í myndinni hjá svo alltof mörgum.
Það er auðvelt fyrir mörg okkar að gleðja barn.
Það var Iðunn Dögg Gylfadóttir sem fyrir hönd starfsmannafélagsins afhenti Ásgerði Jónu Flosadóttur frá Fjölskylduhjálpinni eggin.
