Fréttir
Aftur minni umferð um helgina
stefnir í um fimm prósenta samdrátt í helgarumferðinni í nágrenni Reykjavíkur
Umferðin á sex mælipunktum á Hringvegi út frá höfuðborginni reyndist um síðustu helgi um níu prósentum minni en um sömu helgi fyrir ári síðan. Þetta er ekki umferðin á landinu öllu heldur helgarumferðin út frá Reykjavík. Sjá súlurit sem fylgja fréttinni sem myndir.
12% minni umferð var austur fyrir fjall og 4,5% minni í norður.
Um Hellisheiði fóru 13,6% færri bílar og um Hvalfjarðargöng fóru 4,6% færri bílar, en um sömu helgi árið 2010.
Það sem af er sumri hefur helgarumferð á Hringvegi út frá höfuðborgarsvæðinu dregist saman um 5%. Þetta er minnsta umferð sem mælst hefur út frá höfuðborgarsvæðinu, fyrir samanburðartímabilið.
