A.m.k sex óska eftir að gera tilboð í Vaðlaheiðargöng
gögn frá fleirum gætu enn borist í pósti
Alls hafa sex aðilar skilað inn gögnum vegna forvals Vaðlaheiðarganga, hugsanlega berast gögn frá fleiri þátttakendum þar sem gögn með póststimpli fyrir klukkan 16:00 3. maí eru gild.
Þessir hafa óskað eftir að fá að gera tilboð í Vaðlaheiðargöng:
| Fyrirtæki | Land | Staða | |
| IAV/Marti | Ísland | Joint Venture | |
| ÍAV hf | Ísland | ||
| Marti Contractors Lts. | Sviss | ||
| Ístak hf | Ísland | ||
| Metrostav-Suðurverk | Ísland | Joint Venture | |
| Metrostav a.s. | Tékkland | ||
| Suðurverk hf. | Ísland | ||
| Norðurverk | Ísland | Samstarfshópur | |
| Árni Helgason ehf. | Ísland | ||
| SS Byggir ehf. | Ísland | ||
| Skútaberg ehf. | Ísland | ||
| GV Gröfur ehf. | Ísland | ||
| Rafeyri ehf. | Ísland | ||
| Norðurbik ehf. | Ísland | ||
| Per Aarsleff – JKP JV | Danmörk | Joint Venture | |
| Per Aarsleff a/s | Danmörk | ||
| JK Petersen Contractors P/F | Færeyjar | ||
| Leonhard Nilsen & Sønner AS | Noregur | ||
Vegagerðin, fyrir hönd Vaðlaheiðarganga hf. auglýsti 28. mars sl. eftir þátttakendum í forval vegna jarðganga milli Eyjafjarðar og Fnjóskadals, ásamt byggingu tilheyrandi forskála og vega.
Um er að ræða 9,5 m breið, 7,2 km löng jarðgöng í bergi, styrkingu ganga, raf- og stjórnbúnað þeirra, um 320 m langa steinsteypta vegskála og um 4,0 km langa vegi.
Heiti verkefnisins er: Vaðlaheiðargöng
Áætlaðar magntölur eru:
Gröftur jarðganga 500.000 m3
Sprautusteypa 25.000 m3
Steinsteypa 3.000 m3
Forskering 100.000 m3
Fylling 400.000 m3
Farið verður yfir göngin á næstu vikum og reikna má með að opna megi tilboð í Vaðlaheiðargöng seint í ágúst eða í septembermánuði í haust að loknu útboði með þátttöku þeirra sem standast útboðskröfur.
