Fréttir
KNH með lægsta tilboð í veg um Skálanes
tilboð opnuð í Vestfjarðaveg (60), Kraká - Skálanes
KNH ehf. á Ísafirði átti lægsta tilboðið í kaflann Kraká - Skálanes á Vestfjarðavegi (60). Tilboð voru opnuð hjá Vegagerðinni í Reykjavík og á Ísafirði 18. janúar. Næstlægsta boð kom frá Verktakafélaginu Glaumi í Garðabæ og þriðja lægsta frá Héraðsverki ehf. Egilsstöðum.
Um er að ræða 2,6 km kafla í Gufudalssveit í Reykhólahreppi, ný- og endurlögn. Verkinu á að vera að fullu lokið fyrir 1. nóvember 2011.
KNH ehf. bauð tæplega 116 milljónir króna í verkið en áætlaður verktakakostnaður var ríflega 170 milljónir króna.