Fréttir
Rannsóknarráðstefna Vegagerðarinnar 2006 auglýst
Verður haldin föstudaginn 3. nóvember 2006 á Hótel Nordica
Þróunarsvið Vegagerðarinnar stendur fyrir árlegri rannsóknaráðstefnu sinni föstudaginn 3. nóvember 2006 á Hótel Nordica í ráðstefnusal á fyrstu hæð.
Þetta er í fimmta sinn sem rannsóknaráðstefnan er haldin. Kveðið er á í vegalögum að 1% af mörkuðum tekjum til vegamála skuli renna til rannsókna- og þróunarstarfs og er ráðstefnunni ætlað að endurspegla afrakstur hluta þess starfs.
