Mikil umferðaraukning í nóvember
Umferðin á Hringvegi jókst um tæp 24 prósent
Umferðin á Hringveginum í nóvember jókst um tæplega 24 prósent. Þrátt fyrir þessa miklu aukningu er umferðin í mánuðinum minni en í sama mánuði bæði árin 2018 og 2019. Útlit er fyrir að umferðin í ár muni aukast um heil 13 prósent.
Milli mánaða 2020 og 2021
Í nýliðnum mánuði jókst umferðin, um 16 lykiltalningasnið
Vegagerðarinnar á Hringvegi, um tæp 24%. Mest jókst umferð um Norðurland
eða um tæp 44% en af einstaka talningarstöðum varð mesta aukningin um teljarasnið á
Mýrdalssandi eða 230% aukning. Þetta er annan mánuðinn í röð sem þetta einstaka
snið hækkar mest.
Nú skal haft í huga að umferðin hafði dregist mikið saman á síðasta ári því sýnist aukningin vera meiri en ef engin faraldur væri í gangi. Umferðin í síðasta mánuði var minni en árin 2018 og 2019, svo ekkert met var slegið þó aukning hafi verið mikil.
Umferð eftir vikudögum
Umferðin hefur aukist í öllum vikudögum en hlutfallslega
mest á sunnudögum eða um 16,5%. Mest er ekið á föstudögum en minnst á laugardögum.
Horfur út árið 2021
Nú þegar einn mánuður er eftir af árinu er gert ráð fyrir að
umferðin muni aukast um rétt ríflega 13% miðað við síðasta ár. Gangi sú spá
eftir mun umferðin samt verða rúmlega 2% undir því sem hún var árið 2019 en á
pari við umferðina árið 2018.
