Met í umferðinni í byrjun árs 2017
umferðin í janúar jókst um ríflega 13 prósent
Gríðarlega mikil aukning varð í umferðinni í nýliðnum janúarmánuði um 16 lykilteljara Vegagerðarinnar á Hringveginum. Umferðin jókst um ríflega 13 prósent sem er svipuð aukning og í janúar í fyrra en margföld meðaltalsaukning í janúar. Umferðin hefur aldrei áður verið meiri á Hringveginum í janúarmánuði en ríflega 55 þúsund bílar fóru um teljara á degi hverjum eða um 13 þúsund fleiri en fyrir tveimur árum.
Milli mánaða 2016 og 2017
Umferðin jókst gríðarlega mikið, um 16 lykilteljara
Vegagerðarinnar á Hringvegi, í nýliðnum mánuði borið saman við sama mánuð á
síðasta ári. Aukningin yfir sniðin 16 varð rúmlega 13%. Þessi aukning er hlutfallslega svipuð og varð á síðasta ári í
sama mánuði en í bílum talið er aukningin nú
um 1000 bílum stærri, á degi hverjum.
Frá árinu 2005 hefur umferðin aukist að jafnaði um 3,5% í janúar þar af leiðandi er núverandi aukning tæplega fjórföld á við meðalár.
Mest jókst umferðin um Suðurland eða tæplega 28% en minnst varð aukningin um Norðurland eða tæplega 7%.
Aldrei, frá því að þessi samantekt hófst, hefur mælst meiri umferð í janúar á Hringveginum þannig nýtt ár byrjar á nýju meti í umferðinni.
Umferð vikudaga
Umferðin jókst mikið alla vikudaga miðað við síðasta ár, en mest
jókst umferðin á föstudögum eða rúmlega 26%. Minnst jókst umferðin á sunnudögum
eða tæplega 3%.
Mest var ekið á föstudögum en minnst á þriðju-, og miðvikudögum.