Meiri umferð árið 2022 á höfuðborgarsvæðinu en ekki met
Umferðin var meiri en árið 2021 en örlítið minni en árið 2019
Umferðin á höfuðborgarsvæðinu árið 2022 reyndist 1,6 prósenti meiri en árið áður. Ekki var þó um met að ræða því örlítið meiri umferð mældist metárið 2019. Umferðin í desembermánuði dróst saman um tvö prósent á svæðinu.Milli mánaða 2021 og 2022
Líkt og á Hringvegi varð samdráttur í umferð á höfuðborgarsvæðinu,
milli desember mánaða, umferðin dróst saman um 2%. Mest dróst umferð saman ofan Ártúnsbrekku eða um 3,4% en minnst á Hafnarfjarðarvegi eða um 0,3%.
Umferð vikudaga
Í nýliðnum desember mánuði reyndist umferðin mest á
föstudögum og minnst á laugardögum.
Uppgjör ársins 2022, fyrir lykilmælisniðin þrjú á
höfuðborgarsvæði
Samtals aukning milli áranna 2021 og 2022 reyndist 1,6%.
Mest jókst umferð yfir mælisnið á Hafnarfjarðarvegi eða um 2,5% en minnst yfir
mælisnið á Reykjanesbraut eða um 0,8%. Þessi aukning dugði þó ekki til að slá út
umferðarmetið, sem sett var árið 2019, en heildarumferðin reyndist 0,3% undir
því og stendur þá gamla metið enn, á höfuðborgarsvæðinu.
Umferðin reyndist að jafnaði mest á föstudögum og næst mest á miðvikudögum, en minnst á laugardögum. Mánudagar reyndust næst meðalumferð vikunnar en þriðjudagar reyndust næst meðalumferð á virkra daga.
