Hvar stoppa ferðamenn? Upptaka af morgunverðarfundi
Vel mætt á morgunverðarfund Vegagerðarinnar
Hátt í áttatíu manns sóttu morgunverðarfund Vegagerðarinnar Hvar stoppa ferðamenn? sem haldinn var á Grand hótel miðvikudaginn 29. janúar síðastliðinn. Um hundrað manns fylgdust með beinu streymi af fundinum.
Fjórir fyrirlesarar fluttu erindi á fundinum:
Rögnvaldur Guðmundsson, framkvæmdastjóri hjá Rannsóknum og ráðgjöf ferðaþjónustunnar (RRF), kynnti niðurstöður rannsókna RRF á þróun umferðar erlendra ferðamanna á bílaleigubílum á tíu stöðum við hringveginn á tímabilinu 2010 til 2018.
Einar Pálsson forstöðumaður vegþjónustudeildar Vegagerðarinnar fjallaði um áningarstaði Vegagerðarinnar og þær áskoranir sem stofnunin þarf að takast á við með fjölgun ferðamanna.
Sóley Jónasdóttir verkefnastjóri á hönnunardeild Vegagerðarinnar sagði frá verkefni þar sem kortlagðir voru staðir á og við Hringveginn þar sem ferðamenn stoppa til myndatöku.
Að lokum greindi Björn H. Reynisson frá Markaðsstofu Norðurlands frá hinni nýju Norðurstrandaleið, tilurð hennar, árangri og framtíðarsýn.
