Fréttir
Hrafnseyrarheiði mokuð í síðasta sinn - Myndband
Dýrafjarðargöng verða tilbúin í haust
Gunnar G. Sigurðsson mokaði Hrafnseyrarheiði í síðasta sinn í byrjun maí. Gunnar hefur mokað Hrafnseyrarheiði á hverju vori síðan 1974 að undanskildum tveimur árum. Dýrafjarðargöng leysa fjallveginn af hólmi nú í haust og því verður ónauðsynlegt að opna heiðina með mokstri.
Snjórinn á heiðinni var með mesta móti þetta vorið. Stálið var í kringum 20 metrar á köflum. Verkið gekk vel eins og myndbandið sýnir sem ljósmyndarinn Haukur Sigurðsson tók af Gunnari að störfum.