Enn slegið met í umferðinni á höfuðborgarsvæðinu
aldrei fleiri ökutæki í mars
Umferðin á höfuðborgarsvæðinu í mars jókst um ríflega átta prósent frá sama mánuði fyri ári síðan. Þetta er metumferð og reyndist umferðin 7,5 prósentum meiri en í fyrra metári sem var árið 2019. Umferðin fyrstu mánuði ársins hefur aukist um heil 11 prósent og er það einnig met fyrir árstímann.
Milli mánaða
Líkt og á Hringvegi jókst umferð mikið á höfuðborgarsvæðinu í mars
miðað við sama mánuð á síðasta ári, en aukningin nam rúmlega 8%. Þessi aukning
varð til þess að nýtt met var slegið í umferðinni í mars, yfir lykil mælisnið á
höfuðborgarsvæðinu. Umferðaraukningin nú reyndist 7,5%
meiri en fyrra met frá árinu 2019, en að jafnaði fóru tæplega 181.000 ökutæki á
sólarhring yfir mælisniðin þrjú.
Hlutfallslega jókst umferð mest yfir mælisnið ofan Ártúnsbrekku eða um tæp 11% en minnst jókst umferð yfir mælisnið á Hafnarfjarðarvegi eða um rúmlega 6%.
Frá áramótum
Nú hefur umferð aukist um tæp 11%, frá áramótum og er þetta
mesta aukning, sem mælst hefur miðað við árstíma, síðan þessi samantekt hófst árið
2005.
Umferð eftir vikudögum
Umferð jókst í öllum vikudögum en hlutfallslega mest á
laugardögum, eða um rúmlega 12%, en minnst á þriðjudögum, eða um rúmlega 5%.
Mest var ekið á föstudögum, í nýliðnum mars, og minnst á sunnudögum.