Dregur úr hraða umferðaraukningar
minni aukning í janúar en fyrir ári síðan
Umferðin á höfuðborgarsvæðinu fyrsta mánuð ársins 2018 jókst um 4,6 prósent frá sama mánuði fyrir ári síðan. Þetta er minni aukning en þá. Spálíkan umferðardeildar Vegagerðarinnar gerir ráð fyrir því að miðað við það verði mun minni aukning í umferðinni í ár en í fyrra eða 3-4 prósent. Það er í takt við hagvaxtarspár en mikil fylgni er á milli umferðar á svæðinu og hagvaxtarins.
Milli
mánaða 2017 og 2018
Umferðin á
höfuðborgarsvæðinu jókst um 4,6% milli janúarmánaða 2017 og 2018, ef marka má
þrjú lykil mælisnið Vegagerðarinnar. Þetta er heldur minni aukning en
varð á sama tíma á síðasta ári en svipuð og varð árið 2016.
Umferðin jókst um öll mælisnið en mest um mælisnið við Dalveg í Kópavogi. Umrætt mælisnið hefur vaxið mest, ár hvert, frá árinu 2012.
Eftirfarandi upptalning er hlutfallslegur vöxtur í janúar, frá árinu 2012:
Mælisnið | Vöxtur |
---|---|
Hafnarfjarðarvegur | 20,6% |
Reykjanesbraut | 43,4% |
Ártúnsbrekka | 34,5% |
Umferð
eftir vikudögum
Í nýliðnum
janúar var mest ekið á föstudögum en minnst á sunnudögum, eins og venja er
fyrir höfuðborgarsvæðið.
Umferðin jókst alla vikudaga fyrir utan mánudaga þar sem varð 3,2% samdráttur, ef miðað er við sama mánuð á síðasta ári. Mest jókst umferðin á laugardögum eða um 7,3%.
Horfur
út árið 2018
Að loknum
janúar gerir spálíkan umferðardeildar ráð fyrir að umferðin á
höfuðborgarsvæðinu vaxi mun minna í ár en undan farin þrjú ár eða 3 – 4%. Þetta
styðja núgildandi hagvaxtarspár, en eins og oft hefur verið bent á er náið
samband á milli þessara tveggja breytna (96% frá 2005 til-2017), sjá nánar meðfylgjandi vísitölurit.