Bjarkalundur - Skálanes, frummatsskýrsla kynnt
Kynningarfundur í reykhólahreppi
Vegagerðin kynnti á þriðjudag frummatsskýrslu vegna Vestfjarðavegar (60): Milli Bjarkalundar og Skálaness í Reykhólahreppi. 35-40 manns sóttu fundinn sem haldinn var á Reykhólum. Frummatsskýrslan var kynnt en frestur til að gera athugasemdir er til 8. desember næstkomandi til Skipulagsstofnunar.
Á fundinum kynntu starfsmenn Vegagerðarinnar frummatsskýrsluna og hvað í henni felst varðandi leiðarval og mat á mismunandi umhverfisáhrifum á hina ýmsu umhverfisþætti. Fjöldi fyrirspurna af ýmsum toga kom frá fundarmönnum og voru athugasemdir og umræður skráðar niður þótt einnig sé reiknað með því að gerðar verði athugasemdir skriflega. Þær athugasemdir ber að senda Skipulagsstofnun bréflega eða í tölvupósti á skipulag@skipulag.is fyrir 8. desember. Vegagerðin mun þá svara öllum athugasemdum og allt verður síðan fellt inn í skýrsluna um mat á umhverfisáhrifum áður en Skipulagsstofnun gefur álit sitt.
Sjá frummatsskýrsluna og fylgigögn hér ásamt frekari upplýsingum.
