Áfram gríðarsamdráttur í umferð á Hringvegi
Dróst saman um 21,5 prósent í nóvember
Umferðin í nóvember á Hringveginum reyndist 21,5 prósentum minni en í nóvember í fyrra. Þetta sami hlutfallslegi samdráttur og í október. Umferð á Norðurlandi er um 40 prósentum minni en fyrir ári síðan. Það stefnir í gríðarlegan samdrátt í ár og gæti hann orðið 14-15 prósent, sem eru tölur sem ekki hafa áður sést og munar miklu.
Milli
mánaða
Umferðin
yfir 16 lykilteljara Vegagerðarinnar á Hringvegi í nóvember var rúmlega 10%
minni en í október sl. en 21,5% minni en í sama mánuði á síðasta ári. Þetta
er sama hlutfall samdráttar og mældist í október. Eins og nærri má geta er þetta met
samdráttur milli nóvember mánaða og rúmlega þremur og hálfu sinnum meiri en
fyrra met, sem varð á milli áranna 2011 og 2012. Leita þarf
aftur til ársins 2015 til að finna minni umferð í nóvember mánuði, yfir umrædda
mælistaði.
Mikill samdráttur varð í öllum landssvæðum en mestur um Norðurland eða tæplega 40% en, utan höfuðborgarsvæðis, varð hann minnstur um mælistaði á Vesturlandi. Þetta er gríðar mikill samdráttur um Hringveginn úti á landi og það lætur nærri að annar hver bíll frá síðasta ári hafi horfið úr umferðinni um Norðurland en þriðji hver um önnur landssvæði fyrir utan höfuðborgarsvæðið en þar varð rétt rúmlega 13% samdráttur.

Umferð
eftir vikudögum
Uppsöfnuð
umferð eftir vikudögum er mest á föstudögum og minnst á þriðjudögum.
Hlutfallslega hefur umferð dregist mest saman á sunnudögum eða um 18% en minnst á þriðjudögum eða um tæplega 13%.
Frá
áramótum
Nú hefur
umferðin dregist saman um 14% frá áramótum, sé hún borin saman við sama
tímabil á síðasta árin. Þetta er tæplega þrisvar sinnum meiri samdráttur miðað við árstíma en áður hefur mælst á umræddum mælistöðum.
Mest hefur umferð dregist saman um Austurland eða um rúmlega 29% en fyrir utan höfuðborgarsvæðið hefur minnstur samdráttur mælst um Vesturland eða tæplega 18%.
Horfur út
árið
Dragist
umferð saman um sama hlutfall og í tveim síðustu mánuðum, sem allt bendir til,
má búast við því að samdráttur umferðar á Hringvegi verði í kringum 14,5% nú í
ár miðað við síðasta ár. Mesti samdráttur sem mælst hefur hingað til í umræddum
mælisniðum varð á milli áranna 2010 og 2011 en þá mældist 5,3% samdráttur svo
núna stefnir í um tæplega þrisvar sinnum meiri samdrátt, gangi spár
eftir.
Viðbótar fróðleikur
Til að
varpa öðru ljósi þessar umferðar- og samdráttartölur má nefna að umferð
og akstur á Íslandi hefur í gegnum tíðina aukist í takt við almenna
fólksfjölgun enda má segja að það liggi í hlutarins eðli.
Núna stefnir í að umferðin á Hringveginum verði svipuð því sem hún var árið 2016 en á sama tíma hefur hefur Íslendingum fjölgað um 9,5% og Íslendingum eldri en 17 ára (eða fólki mögulega með ökuréttindin) fjölgað um 11,5%. Þannig að þegar umferð eykst ekki í samræmi við fólksfjölgun er það talið merki um að umsvif í þjóðfélaginu hafi dregist saman. Umferðin er því nokkurs konar rauntímamælikvarði á það hversu mikil umsvifin í þjóðfélaginu eru hverju sinni.