Rannsóknaráðstefna Vegagerðarinnar 2020
Rannsóknaráðstefna Vegagerðarinnar var haldin í Hörpu, föstudaginn 30. október 2020 í nítjánda sinn. Vegna Covid-19 faraldursins var ráðstefnan rafræn og var öllum að kostnaðarlausu.
Fyrirkomulag ráðstefnunnar var með nokkuð svipuðu sniði og undanfarin ár að undanskildu því að engir áhorfendur voru í salnum Norðurljósum, heldur var fyrirlestrum streymt beint til þátttakenda. Gefinn var kostur á fyrirspurnum eftir hverja fyrirlestraröð.
Erindin á ráðstefnunni voru fjölbreytileg en þau féllu undir fjóra flokka Rannsóknasjóðs Vegagerðarinnar; mannvirki, umferð, umhverfi og samfélag.
Dagskrá ráðstefnunnar:
Heiti og flytjendur erinda |
---|
Setning, Bergþóra Þorkelsdóttir, forstjóri Vegagerðarinnar |
Gleði og þrautseigja á krefjandi tímum, Anna Steinsen, stjórnendamarkþjálfi, heilsumarkþjálfi og fyrirlesari |
Rannsóknir á bikbundnum slitlögum - Sögulegt yfirlit, Pétur Pétursson, PP-Ráðgjöf ehf. - Ágrip |
Eru smektít og ættingjar óvinir viðloðunarefna?, Hafdís Eygló Jónsdóttir, Erla María Hauksdóttir, Vegagerðin, og Þorbjörg Hólmgeirsdóttir, Mannvit hf. - Ágrip |
Hágæðasteypa í brúargerð, Ólafur H. Wallevik, Rb við Nýsköpunarmiðstöð Íslands |
Vík í Mýrdal - Hætta á sjávarflóðum og sjóvarnir, Bryndís Tryggvadóttir, Vegagerðin - Ágrip |
Notkun á yfirborðsbylgjum við mat á stífnieiginleikum jarðvegs og jarðvegsfyllinga, Elín Ásta Ólafsdóttir, Háskóli Íslands - Ágrip |
Umferðarhraði í hringtorgum, Berglind Hallgrímsdóttir, EFLA hf. - Ágrip |
Umferðaröryggisáætlanir sveitarfélaga, Svanhildur Jónsdóttir, VSÓ Ráðgjöf ehf. - Ágrip |
Hver eru öryggisáhrifin af því að fjölga óvörðum vegfarendum?, Höskuldur Kröyer, Trafkon AB - Ágrip |
Greina aðstæður fyrir óvarða vegfarendur með myndgreiningu, Ragnar Gauti Hauksson, EFLA hf. - Ágrip |
Leiðarveðurspáþjónustur Veðurstofu Íslands, Hróbjartur Þorsteinsson - Ágrip |
Samgöngumat - Leiðbeiningar, Ólöf Kristjánsdóttir, Mannvit hf. - Ágrip |
Áhrif breytinga Skeiðarárjökuls á farveg og rennsli Súlu, Finnur Pálsson, Jöklahópur Jarðvísindastofnunar Háskóla Íslands - Ágrip |
Sveigjanleg og aðlögunarhæf skipulagsgerð fyrir hafnir [erindi flutt á ensku], Majid Eskafi, Háskóli Íslands - Ágrip |
Áhrif innleiðingar deilibíla á ferðavenjur og bílaeign, Daði Baldur Ottósson, EFLA hf. - Ágrip |
Samsetning og uppruni svifryks í Hvalfjarðargöngum, Gísli Guðmundsson, Rb við Nýsköpunarmiðstöð Íslands - Ágrip |
|
---|
Hægt er að horfa á streymið hér fyrir neðan.
Rannsóknaráðstefna Vegagerðarinnar 2020
Gleði og þrautseigja á krefjandi tímum
Anna Steinsen, stjórnendamarkþjálfi, heilsumarkþjálfi og fyrirlesari hélt upphafserindi ráðstefnunnar. Erindið bar heitið: Gleði og þrautseigja á krefjandi tímum. Anna Steinsen hefur undanfarin ár séð um rekstur námskeiða fyrir ungt fólk og veitt ráðgjöf fyrir fyrirtæki bæði innanlands og erlendis. Fyrir störf sín hefur hún verið verðlaunuð á alþjóðavettvangi.