Stikur eru vegstikur, snjóstikur og endurskinsmerki á leiðurum.

Skilgreining:
Viðhald vegstika eru eftirfarandi aðgerðir:

Endurnýjun vegstika og endurskinsmerkjum á vegriðum Viðhald vegstika og endurskinsmerkjum á vegriðum Þvottur vegstika og endurskinsmerkjum á vegriðum

Úr reglugerð um umferðarmerki:

		K01.11 Vegstikur eru notaðar til að afmarka vegarbrún. Glitmerki skulu sýna hvítt endurskin. Nota skal eitt merki við hægri brún akbrautar miðað við akstursstefnu. Við vinstri brún akbrautar á vegi með umferð í báðar áttir skal nota tvö aðskilin merki. Í jarðgöngum við hægri brún akbrautar miðað við akstursstefnu er heimilt að hafa merkin tvö með a.m.k. 0,3 m bili á milli og við vinstri brún akbrautar á vegi með umferð í báðar áttir er heimilt að hafa merkin tvisvar sinnum tvö með a.m.k. 0,3 m bili á milli para. Glitmerki skulu skásett þannig að þau vísi að vegi.
K01.11 Vegstikur	K01.11 Vegstikur í jarðgöngum
		K01.21 Snjóstikur eru notaðar til að afmarka vegarbrún á snjóþungum vegum. Glitmerki skulu sýna hvítt endurskin. Nota skal eitt merki við hægri brún akbrautar miðað við akstursstefnu. Ef stikan er lengri en 1,3 m er heimilt að hafa merkin tvö með a.m.k. 0,3 m bili á milli. Við vinstri brún akbrautar á vegi með umferð í báðar áttir skal nota tvö aðskilin merki. Ef stikan er lengri en 1,3 m er heimilt að hafa merkin tvisvar sinnum tvö, með a.m.k. 0,3 m bili á milli para. Glitmerki skulu skásett þannig að þau vísi að vegi
	K01.21 Snjóstikur

Drög að reglugerðarákvæði á vegum með umferð í eina átt


Aðgerðalýsing:
Stikur skal setja upp á óupplýstum vegum samkvæmt eftirfarandi. Gert er ráð fyrir snjóstikum á öllum vegum sem liggja í 350 m hæð eða meira.

Vegtegund	Tíðni	Fjöldi stika á km
Stofnvegir	2 x 50	40
Tengivegir ÁDU > 100	2 x 50	40
Tengivegir ÁDU < 100	1 x 50	20
Héraðsvegir og Stofnvegir á hálendi	1 x 100	10
Landsvegir	1x 100	10

Tafla 1. Reglur um vegstikun

2 x 50 er báðum megin og á 50 metra fresti
1 x 100 er öðrum megin á og á 100 metra fresti

Stikur skulu vera gular og vel sýnilegar a.m.k. í 500 m fjarlægð

Heimilt er að setja upp fleiri stikur á varasömum stöðum til að bæta öryggi vegfaranda t.d. þar sem skyggni er slæmt að vetrarlagi, við ræsi og í beygjum. Þá má stika allt að helmingi þéttar en staðall gerir ráð fyrir

Á vegum þar sem annar kantur er stikaður og skipt er um kant við stikun skal stika á báðum köntum á a.m.k. 300 m kafla. Þar sem vegur er í meira en 200 m hæð eða á snjóþungum svæðum skal það metið hverju sinni hvar settar eru snjóstikur og hve þétt þær skulu standa.

Á upplýstum vegum skulu kantar stikaðir, þeim megin sem ljósastaurar eru ekki, ef skyggni og aðstæður gefa sérstakt tilefni til. Ljósastaura má merkja með endurskinsmerkjum á sama hátt og stikur.

Á snjóþungum svæðum og þar sem reglur kveða á um stikun beggja vegna vegar er ekki skylt að halda við stikum á báðum köntum að vetri til nema ÁDU sé meiri en 1000 bílar. Heppilegt getur verið að taka upp snjóstikur að vori og setja kantstikur í staðinn.

Stikur og endurskinsmerki á leiðurum skal hreinsa eftir þörfum, en miða skal við að endurskin sé minnst um 60-70 % af því sem það best getur verið.

Endurnýjun og hreinsun vegstika miðast við töflu 2 og 3

Þjónustuflokkur í almennri þjónustu Árleg endurnýjun Árleg hreinsun 1 0,5 4 2 0,35 2 3 0,25 1 4 0,2 0 Tafla 2. Endurnýjun og hreinsun vegstika.

Vetrarþjónustu- flokkur Margfeldi 1 1,2 2 1,1 3 1,05 4 1 Tafla 3. Margföldunarstuðlar á tíðni endurnýjunar og hreinsun stika vegna vetrarþjónustuflokks.

Staðsetning stika: Þar sem stikur eru báðum megin vegar skulu þær standa gegnt hvor annarri. Stikur skal staðsetja efst í fláa utan við vegaxlir. Stikur skal staðsetja þannig að þær myndi línu samsíða vegi. Lengd stika: Hefðbundnar stikur eru 90 sm en einnig er heimilt að nota 120 sm stikur við sérstakar aðstæður. Nota má snjóstikur K01.21 í stað venjulegra stika.

Almennar kröfur til vegstika


Álagsþol stika og samanburður við drög að Evrópustaðli - Skýrsla útgefin af ITÍ í september 2005