Reglugerð Dómsmálaráðuneytis:
Bannmerkjum er ætlað að banna eða mæla fyrir um umferð. Bannmerki eru flest hringlaga með rauðum jaðri og gulum miðfleti. Á hinum gula fleti skal merkið skýrt nánar með táknmynd eða svörtu letri.

Vinnureglur um notkun:

Stærð bannmerkja skal vera sem hér segir: Gerð Þvermál (mm) Breidd jaðars (mm) D a Lítil 400 40 Venjuleg 600 60 Stærri 800 80 Bannmerki ber að setja sem næst þeim stað sem merkið á við. Merkin B30.11 , B30.12 og B30.21 má þó setja í allt að 50 m fjarlægð frá vegamótum. Þegar við á skal merkja lengd eða fjarlægð í hættusvæði á undirmerki J01.11 eða J02.11 . Á þjóðvegum utan þéttbýlis með árdagsumferð (ÁDU) yfir 500 bílar/dag skal nota stærri gerð merkja. Á þjóðvegum innan þéttbýlis þar sem leyfður umferðarhraði er 60 km/klst eða hærri skal nota nota stærri gerð merkja. Minni gerð merkja skal eingöngu nota þar sem ekki er hægt að nota venjuleg merki vegna þrengsla. Í þéttbýli má þvermál merkjanna B21.11 og B24.11 vera 250 mm. Ef vísa þarf á aðrar leiðir eða ef akstursleið endar þar sem bannsvæði byrjar má gera það með viðbótarmerkjum á upplýsingatöflu.