Hringvegur (1) um Hornafjörð. Eftirlit og ráðgjöf (EES)
Vegagerðin óskaði eftir tilboðum í eftirlit og ráðgjöf með útboðsverkinu Hringvegur (1) um Hornafjörð. Verkið felst í styttingu Hringvegarins um 12 km með gerð um 19 km langs vegar er kemur til með að liggja yfir norðanverðan Hornafjörð. Verkinu er skipt í fimm verkhluta: 8.01, nýlögn Hringvegar (1) frá stöð 0 rétt vestan Hólmsvegar (9822) að stöð 18760 vestan Dynjandisvegar (9721) ásamt tengivegum og tengingum. 8.02, smíði 52 m langrar brúar á Djúpá. 8.03, smíði 250 m langrar brúar á Hornafjarðarfljót. 8.04, smíði 114 m langrar brúar á Hoffellsá. 8.05, smíði 52 m langrar brúar á Bergá. Verklok eru áætluð í desember 2025.
Val
bjóðanda fer fram á grundvelli hæfismats og verðs og ber bjóðanda að leggja
fram tilboð sitt í tveimur hlutum, þ.e. upplýsingar um hæfi bjóðanda og
verðtilboð.
Eftirtaldir
aðilar lögðu fram tilboð fyrir lok tilboðsfrests:
Efla hf.,
Reykjavík
Mannvit hf., Kópavogi
Verkís hf., Reykjavík
Þriðjudaginn 6. september 2022 verður bjóðendum tilkynnt stigagjöf í hæfnisvali og verðtilboð bjóðenda.