Vetrarþjónusta: Reykjanesbraut – Suðurnes 2021 – 2024 (EES)
Vegagerðin býður hér með út vetrarþjónustu, þ.e. snjómokstur og hálkuvarnir á Reykjanesbraut og tilteknum leiðum á Suðurnesjum 2021-2024:
Samningur sem gerður verður í framhaldi af útboði þessu skal gilda í þrjú ár frá töku tilboðs með heimild til framlengingar til tveggja ára eitt ár í senn.
Heildarlengd vegakafla er 191 km.
Akstur vörubíla á snjómokstursleiðunum er áætlaður 91.000 km. á ári.
Útboðsgögn eru aðgengileg og verða afhent í rafræna útboðskerfinu TendSign frá og með miðvikudeginum 9. júní 2021 og skal tilboðum skilað rafrænt í því útboðskerfi fyrir kl. 11:00 þriðjudaginn 13. júlí 2021.
Ekki verður haldinn sérstakur opnunarfundur en eftir lok tilboðsfrests verður bjóðendum tilkynnt um nöfn bjóðenda og verðtilboð.
Útboðið er auglýst á Evrópska efnahagssvæðinu.
Leiðbeiningar fyrir útboðsvefinn TendSign.
